لا تحسبين العرس توفـي وكتكـات ....
ولا تحسبينـه تويـكـس والا بونـتـي
ولا تحسبين العرس كيكة وطرطـات ....
وصلـة قطعتيهـا ووصـلـة بلعـتـي
ولاتحسبين العرس تصفيق واصوات ....
وانتي علـى صـوت الغطاريـف همتـي
ولاتحسبين العرس كوشـة ولمبـات....
وانـتي كمـا الطـاووس فيهـا جلستـي
ولاتحسبين العرس احلام في الشات ....
يـامـا بنيتيـهـا ويـامـا هـدمـتـي
ولا تحسبين العرس روحة وجيـات ....
هيـا اقضبـي بيتـك والا انطردتي
ليلة سعيدة وانتي احلـى الجميـلات ....
تشخـص عيـون النـاس اذا حضرتـي
( واللاينر ) حطيـه بــلا زيــادات ..
لا يـخـرب المكـيـاج اذا دمـعـتـي
( والمسكرة ) تحتاج لطـف ومـدارات ..
حتـى يـبـان الـزيـن اذا رمشـتـي
( والاسبريه ) رشيه حتى البصيـلات ..
يمسك شعـرك زيـن لـو كـان زدتـي
وترى ( المحدد ) فن يحتـاج رسمـات
يبـان رسمـه زيــن اذا ابتسمـتـي
العـرس يابنيـة ماهـو شعـارات ....
تفنـى مراسيـمـه وتبقـيـن انـتـي
ويبقى شريك العمر راعي الطويلات ..
..
هـذا هـو العـرس حقيقـه عرفـتـي؟
اول نصيحة لـك حفـظ الصلـوات ....
صلي العشـا والفجـر فـي كـل وقـتِ
وفي ليلة العرس الموفـق وبالـذات ....
ادعـــي الـكـريـم الله إذا سـجـدتـي
والعري لاترضين عند الكوفيـرات ....
خليك تملـى العـيـن اذا لبسـتـي
واللي على زوجك تحرضك مـرات ....
ارجـوك شوتيهـا شـوتـت بلنـتـي
والصبر في العشرة حتى على فتات ....
ياماحـلا فعلـتـك يـومـك صبـرتـي
واذا حفظت السـر في كل المـرات ....
زوجـك تـرى في وسط عينه كبـرتـي
والسوق يعني هاه وقت الضرورات ....
والاتـرى زوجــك يــدور لمفـتـي
زيدي الغطاية وكثري في العبايـات ....
والله يـرضـى عـنـك اذا ستـرتـي
اوصيك بالكبسـة وكثـر الايدامـات ....
حتـى لوانـك مـن سببـهـا متنـتـي
وخلي الرجيم اللي فشلته مرات ....
سـويـه مــرة واحــدة لا ولـدتـي
وسلامت ارواحكم..